Cando unha empresa con varios establecementos avalía o seu sistema, adoita separar dúas decisións: que TPV pór nos locais e que programa de xestión usar na central. Parece razoable, pero esa separación é a orixe de boa parte dos problemas do día a día. A verdadeira forza de HIOPOS non está só no punto de venda nin só no backoffice, senón en que TPV e ERP forman parte da mesma plataforma e falan entre si de forma nativa.
O problema de xuntar pezas de provedores distintos
Moitas cadeas traballan cun TPV dun provedor e un ERP doutro. Para que se entendan, alguén ten que manter unha ponte entre ambos: exportacións de vendas ao peche do día, importacións de artigos, ficheiros que se envían por correo ou conectores que rompen con cada actualización. O resultado adoita parecerse a isto:
- Os artigos e prezos dánse de alta dúas veces, unha no ERP e outra no TPV, e tarde ou cedo deixan de coincidir.
- As vendas chegan á central con atraso, normalmente ao día seguinte ou cando alguén lanza a exportación.
- O stock nunca está do todo actualizado, porque depende de que as vendas e os movementos se importasen correctamente.
- Cada incidencia ten dous responsables, e é fácil que o provedor do TPV e o do ERP se pasen a pelota.
Nada disto é imposible de xestionar, pero consome tempo da central e xera desconfianza nos datos. E cando unha dirección non se fía dos números, decide tarde ou decide ás cegas.
Que cambia con HIOPOS + Hioffice
Hioffice é o ERP cloud de HIOPOS. Non é un programa externo conectado ao TPV: é o backoffice da mesma plataforma, sincronizado en tempo real cos TPV HIOPOS de todos os establecementos. Iso ten consecuencias moi prácticas:
Datos en tempo real
Cada venda que se cobra nun local reflíctese en Hioffice sen esperar ao peche nin a ningunha exportación. Vendas, stock, clientes e movementos de caixa consúltanse desde a central coa información do momento, non coa de onte.
Sen duplicar datos
Artigos, tarifas, promocións, formas de pagamento ou clientes defínense unha soa vez en Hioffice e chegan a todos os puntos de venda e canles. Se cambias un prezo ou lanzas unha promoción, non hai que repetir a operación en cada TPV nin comprobar despois se se aplicou.
Sen exportacións nin ficheiros intermedios
Ao non haber dous sistemas, non hai ficheiros que mover entre eles. Compras, traspasos, inventarios, produción, vendas e fidelización viven na mesma base de datos. O que antes era un proceso manual de conciliación pasa a ser, simplemente, consultar un informe.
E o local segue vendendo
A integración non fai o punto de venda dependente da conexión: HIOPOS segue vendendo sen internet e sincroniza automaticamente con Hioffice cando volve a conexión. A central recupera a información sen que ninguén teña que intervir.
Un exemplo ilustrativo
Imaxina unha cadea de 12 restaurantes cunha cociña central. Con sistemas separados, o responsable de compras revisa cada mañá un informe de vendas do día anterior, calcula consumos nunha folla de cálculo e prepara pedidos con datos que xa teñen un día de antigüidade. Con HIOPOS + Hioffice, as vendas de cada local descontan stock de forma automática segundo os escandallos, a cociña central ve que necesita cada restaurante e os pedidos prepáranse con datos actuais. O equipo da central deixa de cadrar números e pasa a analizalos.
Unha plataforma, non un conxunto de parches
A integración nativa tamén simplifica todo o que rodea o TPV. Comandeiros, quioscos de autopedido, pantallas de cociña, pedidos en liña ou fidelización forman parte do mesmo ecosistema e comparten catálogo, prezos e clientes con Hioffice. Cando a empresa abre un novo local ou unha nova canle, non hai que montar outra integración: configúrase dentro da mesma plataforma.
Iso non significa que HIOPOS teña que funcionar illado. Se a túa empresa xa ten un ERP corporativo, unha contabilidade externa ou unha tenda en liña, pódense integrar para que os datos flúan sen duplicidades. A diferenza é que o núcleo, TPV e backoffice, xa chega integrado de serie.
Por que importa quen o implanta
Unha plataforma integrada dá o mellor de si cando se configura pensando en como traballa cada empresa: estrutura de tarifas, almacéns, familias, permisos por perfil, informes para cada responsable. En IATSAE somos Engineering Partner oficial de HIOPOS en nivel Advanced, o orientado a integracións e proxectos complexos. Un consultor dedicado acompaña cada proxecto desde a primeira reunión, visitamos os establecementos, configuramos Hioffice, migramos os datos e implantamos por fases, con formación presencial por perfís.
Se queres ver como funcionaría HIOPOS + Hioffice cos teus establecementos, fala cun dos nosos consultores e mostrámoscho cos teus propios datos e procesos.
