O Regulamento dos sistemas informáticos de facturación, coñecido como VeriFactu, obriga a que o software que emite facturas e tíquets garanta a integridade, a trazabilidade e a inalterabilidade dos rexistros. Para unha empresa cun só local é un cambio de sistema; para unha cadea, é un proxecto.
Por que é distinto con varios locais
Con varios establecementos, a adaptación implica revisar cada punto de emisión: TPV, quioscos de autoservizo, terminais de man, tendas en liña e calquera integración que xere facturas. Se cada local ten o seu propio sistema, ou versións diferentes, o risco de que algo quede fóra multiplícase.
Os puntos clave
- Inventario de puntos de emisión. Identificar todos os dispositivos e canles que emiten tíquets ou facturas.
- Software adaptado. Comprobar que o sistema cumpre coa modalidade VERI*FACTU (ou con TicketBAI e Batuz nos territorios forais).
- Despregamento centralizado. Actualizar todos os establecementos de forma coordinada, sen depender de visitas local por local.
- Integracións revisadas. Asegurar que as integracións con contabilidade, ERP corporativo ou ecommerce seguen funcionando co novo fluxo.
- Formación. Explicar aos equipos que cambia na operativa diaria, por exemplo en devolucións e rectificacións.
A vantaxe dunha plataforma cloud
Nunha plataforma cloud como HIOPOS, as versións despréganse de forma centralizada en todos os puntos de venda. Combinada co ERP Hioffice, a empresa ten nun único sitio a información de facturación de todos os seus locais.
Segundo o Real Decreto-lei 15/2025, a obriga aplícase desde o 1 de xaneiro de 2027 aos contribuíntes do Imposto sobre Sociedades e desde o 1 de xullo de 2027 ao resto. En outubro de 2026 Facenda anunciou un novo aprazamento ata outubro de 2028, que aínda debe aprobarse por norma; avisarémoste en canto se publique no BOE. Sexa cal sexa a data final, convén preparar a rede sen présas. Consulta como o abordamos na nosa páxina de VeriFactu, e se tes dúbidas sobre o teu caso, escríbenos.
