TPV para ximnasios: do torno á cafetaría

Un club deportivo son varios negocios á vez

Accesos, sala de fitness, clases, pistas de pádel, cafetaría e tenda. Cada un cobra á súa maneira e á súa hora. Con HIOPOS todos venden sobre a mesma ficha de socio, o mesmo stock e a mesma caixa, e ti velo en tempo real.

O socio entra sen pasar pola recepción

Son as sete e a primeira quenda chega con présa. Cada socio amosa o seu código no torno e entra: unha persoa cada vez e cada acceso rexistrado. IATSAE conecta o torno co estado da súa cota ou do seu abono.

• Torno AT-100 con lector de códigos de barras e QR
• Varandas que ordenan o paso ata o torno
• Validación contra a cota ou o abono do socio

Un socio novo, dado de alta unha soa vez

Chega alguén que quere apuntarse. Na recepción dáslle de alta unha vez: os seus datos, a súa cota e o seu código de acceso. Cliente 360 garda a súa ficha, e a cota e os bonos cóbranse como IATSAE os adaptase ao teu club.

• TPV HIOPOS 156 con pantalla de cliente e PinPad
• Cliente 360: unha ficha por socio, veña por onde veña
• Cotas, abonos e bonos de sesións adaptados por IATSAE

Pistas que se reservan sen coller o teléfono

Os socios reservan pista desde unha ligazón ou un QR, a calquera hora e segundo a dispoñibilidade real. Reciben a súa confirmación e unha lembranza, e se alguén cancela, entra o primeiro da lista de espera.

• Cita online: reserva 24/7 desde ligazón, web ou QR
• Confirmacións e lembranzas automáticas, e lista de espera
• Prazas por clase dirixida: adaptación de IATSAE

O adestramento persoal, cobrado desde a axenda

Cada adestrador ten a súa axenda coas súas quendas e excepcións. Ao rematar a sesión, cóbraa desde a propia cita e pode engadir un produto á venda. A final de mes, as comisións saen soas.

• Axenda dixital por adestrador, sala ou equipo
• Cobramento desde a cita, con venda cruzada
• Comisións por servizo ou por produto

Do último exercicio á barra da cafetaría

Despois de adestrar, un batido e algo de comer. A cafetaría vende co mesmo TPV e a mesma ficha de socio: paga co saldo da súa tarxeta, suma puntos e todo queda no seu historial.

• TPV HIOPOS SUN III na barra
• Fidelización: puntos, saldo e moedeiro do socio
• A tarxeta do socio, no wallet do seu móbil

Roupa, accesorios e palas, co stock ao día

Na tenda do club véndense camisetas, botellas e palas. Cada venda desconta o stock por talla e cor, ves que se esgota antes de quedar sen nada e repós a tempo.

• Lector de código de barras na caixa
• Stock por talla e cor en Hioffice
• Puntos e saldo do socio, tamén na tenda

A hora punta, sen cola na porta

Ás sete chega todo o mundo á vez. Os socios entran polo torno sen parar na recepción, o equipo cobra o aluguer de palas na propia pista con HIOPOS Mobile e, se cae internet, o TPV segue vendendo.

• HIOPOS Mobile: cobramento con NFC e impresora integrada
• Venda sen conexión: as vendas soben ao volver a liña
• Fichaxes do equipo desde o TPV

Sabes que socio leva semanas sen vir

Cliente 360 ensínache a frecuencia de visitas e de compras de cada socio. Con eses datos lanzas unha campaña por correo a quen hai tempo que non vén, ou premias a quen non falla nunca.

• Cliente 360: historial, preferencias e recorrencia
• Campañas por correo con envío programado
• Base de datos propia, con consentimento

Pechas sabendo que parte do club rende

Antes de apagar os focos das pistas ves as vendas de pistas, adestramentos, cafetaría e tenda por franxa horaria e por empregado. Mañá decides cos datos de hoxe, e o soporte de IATSAE segue ao teu lado.

• Analytics: vendas por servizo, punto de venda e franxa
• Peche de caixa por punto de venda en Hioffice
• Formación coa Academia IATSAE e soporte propio