TPV para tendas de mascotas: stock ordenado, caixa áxil

Penso, xoguetes e accesorios, cada un ao seu ritmo

O saco de penso sae cada semana; o rascador, de cando en vez. Se todo se mestura, a tenda desordénase e compras ás cegas. Con HIOPOS cada artigo ten a súa categoría, o seu stock e o seu prezo, e vés todo antes de subir a persiana.

O stock, ordenado por categorías

Antes de abrir repós o corredor de alimentación. Cada saco, lata e snack está na súa categoría, así que sabes ao momento canto queda de cada cousa, que se move rápido e que leva semanas parado no estante.

• Stock por categorías: alimentos, xoguetes e accesorios
• O que queda de cada artigo, ao momento

Cambias moitos prezos dunha soa vez

O teu provedor sobe a tarifa dunha gama de penso. Non vas produto por produto: actualizas a tarifa unha vez, o prezo novo aplícase na caixa ao momento e as etiquetas quedan listas para imprimir e colocar no lineal.

• Tarifas xestionadas de forma centralizada
• Prezo novo na caixa ao momento
• Etiquetas listas para imprimir

Unha promoción nun clic

Esta semana, os snacks para can están en oferta. Actívala nun clic e a caixa aplícaa soa a cada cliente que os leva: ninguén ten que lembrarse nin calcular descontos de memoria, e o tíquet sae co prezo correcto.

• Prezos e promocións ao día, sen erros
• Ofertas aplicadas soas na caixa

Ao mediodía, a cola non medra

Sae a xente do traballo e fórmase cola. Co lector de códigos, cada artigo entra no tíquet dunha pasada, sen teclear nin buscar prezos, e o TPV cobra rápido. Menos espera e máis clientes atendidos na mesma hora.

• TPV HIOPOS SUN III ou M278 no mostrador
• Lector de códigos de barras: sen erros ao teclear
• Impresora de tíquets rápida

O efectivo, sen pasar polas túas mans

Quen paga en efectivo mételo no CashDro, que cobra e devolve o cambio exacto. Quen atende non toca o diñeiro, pode seguir despachando e, ao final do día, a caixa cadra sen contar moedas.

• CashDro: cobramento automático en efectivo
• Ou caixón portamoedas con apertura ao cobrar

Volve cada mes polo seu penso

Chega a clienta de sempre polo seu saco mensual. Amosa a tarxeta no móbil, suma puntos coa compra e paga unha parte co saldo acumulado. Podes enviarlle promocións para que a súa próxima compra tamén sexa na túa tenda.

• Fidelización: puntos, saldo e promocións
• Tarxeta de cliente no móbil

Produtos e servizos, na mesma caixa

Remata un baño no recuncho de perruquería. O servizo cóbrase na mesma caixa que o xampú que leva o dono, nun só tíquet e asociado á súa ficha de cliente, sen pasar por dous sitios.

• Produtos e servizos desde a mesma caixa
• Cada venda asociada á ficha de cliente

Compras o que se vende, non o que se acumula

Ao baixar a persiana, os informes de consumo e rotación dinche que se vende e a que ritmo. Axustas o próximo pedido á demanda real e non acumulas produto que se achega á súa data. E se precisas axuda, IATSAE dáche.

• Analytics: consumo e rotación por categoría
• Compras axustadas á demanda real
• Implantación, formación e soporte de IATSAE